Эссе

Киров негізгі мектебі             Эссе. Тақырыбы: «Жаңаша  мектепке – қазіргі заманғы ұстаз».                                                                                         Мұғалім: Кажгалиева Набира Талгатовна                                                       Жаңаша  мектепке-қазіргі заманғы мұғалім.                                                   (эссе)    «Мұғалім - өзінің білімін үздіксіз көтеріп отырғанда ғана мұғалім,  ал оқуды, ізденуді тоқтатқан да оның мұғалімдігі де жойылады»                                                                                                   К. Д. УШИНСКИЙ                   Мен бүгінгі таңда білім беру саласында 2 жыл еңбек етіп келемін. Бұл аз ба, көп пе, бірақ мен үшін ұмытылмас, қызықты жылдарым. Әр бала бір әлем ғой. Алға үмітпен талпынған олардың алдында менің де ұстаз ретінде үлкен жауапкершілігім бар екенін сезінемін. Сондықтан да менің өзіме қояр талабым, алдыма қойған мақсатым да өте жоғары. Бүгінгі қоғамның да, қазіргі заман мектебінің де сұранысы дәл осындай.     Педагог кадрлардың негізгі мақсаты мен міндеттері - сабақ сапасын көтеру, оның түрлерін жетілдірудің жолдарын іздеу, іздене отырып оқушының пәнге қызығушылығын және танымдық ізденімпаздығын арттыру. Осыған орай мектеп өміріндегі өзекті мәселелердің бірі сабақтың жаңаша оқыту түрлерін дамыту болып табылады. Жас ұрпақты тәрбиелеуде оның бойындағы туа біткен табиғи мүмкіндіктерін дамыту, бағалау, сенім арту, талап ету арқылы жауапкершілікпен жетілдіруге болатынынына еңбек жолымда көзімді жеткіз...     Жас ұрпақ тәрбиесі, оның жеке тұлғасының жаңаша қалыптасуы, әлеуметтік дүниеге көзқарасы , жалпы болмысы ең алдымен мұғалімге байланысты. Өмір ағымына қарай білім беру жүйесінің моделі күрделі өзгерістерге ұшырады.       ХХІ ғасыр – бұл ақпараттық қоғам дәуірі, технологиялық мәдениет дәуірі. Жаңа технологияны меңгеру мұғалімнің интеллектуалдық, кәсіптік, адамгершілік, рухани, қалыптасуына әсерін тигізеді, әрі өзін-өзі дамытып, оқу-тәрбие үрдісін тиімді ұйымдастыруына көмектеседі.          Қазіргі заман мұғалімі жаңа технолоияны меңгері, қолданыста кең пайдалана білуі керек.     Менің мақсатым әдістемелік тақырыбыма сүйене отырып, Физика сабақтарында «Оқыту мен тәрбиені ұштастыра отырып, парасатты, жан-жақты білімді,мәдениетті адам тәрбиелеу» арқылы, шығармашылық потенциалын нығайту үшін, жағдайлар жасау. Сабақтың тиімділігін арттыру жолдарының бірі – сабақ барысында Физика тарихының элементтерін, түрлі ойындар, қызықты материалдар, әр түрлі қызықты есептер, логикалық тапсырмалар, роликтер қолдану. Жалпы физика пәнінің күнделікті өмірмен тығыз байланысын айта отырып... Физика оқу процесінде оқушылардың шығармашылық қабілетін дамыту үшін ең қолайлы шарттарды беретін оқыту пәні болып табылады. Қазіргі ғылыми-техниканың жоғары дәрежеге жетуі физика ғылымының жетістіктерінің нәтижесін көрсетеді.       Бүгінгі таңда әрбір жаңашыл ұстаз үшін,  оқу және жазу арқылы сын тұрғысынан ойлау әдісі  кез келген стратегияларға құнды, әрі бағалы. Сұрақ қою, ой шақыру, бес жолды өлең, еркін жазу, білемін, үйренгім келеді, білгім келеді, Венн диаграммасы, пікірталас , болжау, Автор орындығы , топтастыру, т.б, стратегияларын қолдану оқушылардың мотивациясын оятып, ынталандыра түсері сөзсіз. Сонымен қатар бұл стратегиялар оқушының қөзқарасын, түсінігін дамыта  түседі, жалықтырмайды  Бұл стратегиялар оқушылардың қызғушылығын арттыра отырып, ұстаздың тығырыққа  тірелетін сәттерінен арылтады.  Менің оқушыларыма үлкен қызмет ететін, әрі қызықтыратын-«Бес жол өлең»  кезеңі. Мұнда пәнаралық байланыс және де әр оқушы білімін көрсетуге қаншалықты игергенін дәлелдеуге тырысады.           Өзінді тыңдату және өзгенің пікірін мұқият тыңдау, сыни тұрғыдан талқылау, ой бөлісу , бағалау сияқты тиімді әрі пайдалы қажеттіліктерді үйретеді. Кейбір сабақтарымда қолданылып жүрген «Сыни тұрғыдан ойлау» әдісі  оқушының жеке тұлға ретінде қалыптасуына зор ықпалын тигізеді.      Мен өз тәжірибемде көбіне оқушы өз ойын ортаға салып,  ұйымдасып топтасып жұмыс істеуіне, бірлесіп үйретуде, кішігірім топтармен, жұппен жұмыс жасауға көңіл бөлемін. «Оқушы көп сөйлеу»  керек деген оймен толық қосыламын.           Мұғалім – мектеп айнасы, оларға жүктелер жауапкершілік өте зор. Осы жауапкершілікті жете сезінген мұғалім ғана уақыттың қазіргі өскелең талаптарына сай бола алады.    «Мұғалім - өзінің білімін үздіксіз көтеріп отырғанда ғана мұғалім,  ал оқуды, ізденуді тоқтатқан да оның мұғалімдігі де жойылады» деген К.Д.Ушинский, міне тек мұғалім болып ғана қоймай, сол атқа лайық заман талабына сай, білім ордасы мектепті өмір ағымына қарай жетелей білуіміз керек деп ойлаймын.