Нағыз азамат тәрбие сағаты

Өту барысы.

І бөлім.

А) «Мен - қазақтың ұлымын.» (Өзін таныстыру)

Ә) «Өнерім - өмірім.» (өз өнерін көрсету)

Б) «Білімдіден шыққан сөз ...» (сұрақ-жауап)

В) «Ер кезегі үшке дейін » (Спорттық іс-шара)

ІІ бөлім.

«Нағыз - азамат » (жобаны дайындау арқылы азамат үлгісін

көрсету, қорғау)

1. «Көсем жігіт» - ел басқаратын жігіт

2. «Шешен жігіт» - дау шешетін жігіт

3. - «Батыр жігіт» - еліне қамқор

4. - «Сері жігіт» - өнерлі жігіт

5. - «Жомарт жігіт» - пейілі кең, дастарханы берекелі.

6. - «Палуан жігіт» - Алып күш иесі

7. - «Үй жігіті» - шаруакеш жігіт

8. - «Түз жігіті» - үй шаруасына қырсыз.

9. - «Сегіз қырлы, бір сырлы жігіт» - жан-жақты жігіт

10.- «Парасатты жігіт» - кішіпейіл, адал жігіт

11. - «Білімді жігіт»- ақылды жігіт

Жоғарыда көрсетілген жігіт түрлерінің аттары әр сыныптан қатысатын сайыскерлерге бөлініп беріледі.

ІІІ бөлім.

Үй тапсырмасы.

А) «Жеті атасын білген Ер,

Жеті жұрттың қамын жер.»

(жеті атасының аты -жөнін білу)

Б) «Батамен ер көгерер...» (бата түрін түсіндіріп, жатқа айту.)

- Дастархан басында берілетін бата.

- Жолға шыққан жолаушыға айтылатын бата

- Келін түскенде айтылатын бата

- Ұзатқан қызға берілетін бата

- Ұлыстың ұлы күні берілетін бата.

- Бұқар жыраудың тілек батасы

- Сәби балаға берілетін бата.

- Малдың пірлері

- Төле бидің тілек батасы.

- Қазбек бидің батасы

- Әйтеке бидің батасы.

ІV бөлім Марапаттау.

Тақырыбы . «Нағыз - азамат.»

Мақсаты: Жас ұрпақтың бойында азаматтың ар-намысын ояту,

елжандылық, отансүйгіштік қасиеттерін дамыту.

1. жүргізуші.

Арыстандай айбаттым,

Жолбарыстай қайраттым,

Аспандағы байтақтым,

Қанша жұлдыз жайнаттың,

Қанша бұлбұл сайраттың,

Қазақстан, ардақтым!

Армысыздар, құрметті қонақтар, қымбатты ұстаздар және «Нағыз - азамат » сайысына қатысушы жас ұландар!

2. жүргізуші. Егеменді еліміздің тыныштығын және бейбітшілігін қорғау бұл әрбір азаматтың қасиетті борышы екендігі баршамызға әйгілі. Ал Отанды қорғаушылар тек қана білектің күшіне сүйенушілерден ғана болмай, ақылы мен қайраты, күш-жігері мен зердесі бірдей мықты болғаны- бұл ел қорғайшы ерлерге ежелден қойылып келе жатқан талап. Сондықтан болар, халқымыздан өткен Науырызбай, Бөгенбай, Райымбек сияқты хас батырлар шешен де, би де, ақыл-парасаты биік адамдар ретінде ел ішінде үлкен абыройға ие болған.

1. жүргізуші: «Жігіт мықты көрінбес сыннан өтпей » дегендей, сынға түсетін сайысқырандарын ортаға шақырамыз:

2. жүргізуші: Сайыс болған соң әр сайыскердің әділ бағасын беру үшін әділқазылар алқасымен танысайық. (әділқазылармен таныстыру)

1. жүргізуші: Бүгінгі сайысымыздың шарты алдын ала белгіленген 6 түрлі талаптан тұрады.

2. Жүргізуші: «Мыңның атын білгенше, бірдің затын біл » деген халық даналығы. Ендеше, сайысымыздың «Мен - қазақтын ұлымын » атты 1-ші бөлімін бастайық. Сайыскерлер өздерін өлеңмен таныстырып, аты-жөні, туған жері, шыққан тегі, сабақ үлгерімі, ата-анасы, туыстары туралы қысқы да нұсқа баяндап шығуы керек. Сайыс 5 ұпаймен бағаланады.

1. жүргізуші: «Өнерлінің өрісі кең » демей ме халық даналығы, олай болса сайысымыздың 2-ші бөлімі «Өнерім - өмірім ». Әр сайыскер өзінің өнерін ортаға салады. Бұл бөлімнің бағалануы 5 ұпай.

2. Жүрігізуші: 3 ші бөлім «Білімдіден шыққан сөз »деп аталады. Мұнда сайыскерлер сұрақ жазылған билеттерді таңдап, жауап беруі керек. Әр дұрыс жауап 1 ұпаймен бағаланады.

1. билет

1. Үш жұртты атаңыз. (ағайын жұрт, нағашы жұрт, қайын жұрт)

2. Шыңғыс ханын әскерінің құрлысы қандай ? (ондықтар - жүздіктер - мыңдықтар - он мыңдықтар - оң қанат - сол қанат - қанат.)

1. билет

1. Үш арсызды атаңыз. (ұйқы, тамақ, күлкі.)

2. Ұлы Отан соғыс кезіндегі Кеңес Одағының адам шығымын жалпы саны (27 млн. астам)

3 - билет

1. Үш асылды атаңыз. (көз, тіл, көңіл)

2. Қазақстан Республикасының Қарулы Күштерінің құрылған күні? (1992 жыл - 7 мамыр)

.

4билет.

1. Үш дананы атаңыз. (Абай, Шоқан, Ыбырай.)

2. Қазақстан Республикасының үкіметінің алғашқы Қорғаныс Министрі кім ? (Сағадат Нурмаганбетов)

5- билет

1. Үш арысты атаңыз. (Сәкен, Бейімбет, Ілияс.)

2. Мемлекетіміздің әскери қауіпсіздігін қамтамассыз ету жөнінен басқаратын лауазымды адам. (ҚР Президенті.)

6- билет.

1. Үш қадірліні атаңыз. (ырыс, бақ, даулет.)

2. Батальон құрамына кіретін бөлімшелер. (3 рота және қамтамассыз ету зводтары мен бөлімшелер.)

7- билет.

1. Үш байлықты атаңыз (денсаулық, ақжаулық, қорадағы он саулық)

2. Мемлекет және халық алдында сіңірген еңбек және ерлік пен батырлық үшін берілетін кеудеге тақпалы белгі. (Халық Қаһарманы.)

8- билет.

1. Үш дауасызды атаңыз. (мінез, кәрілік, ажал.)

2. Қазақстан Республикасының Қарулы Күштерінің түрлері. (Жалпы мақсаттағы күштер, әуе қорғаныс күштері, мемлекеттік шекара қорғаныс күштері.)

9- билет

1. Үш биді атаңыз (Төле би, Қазбек би, Әйтеке би.)

2. Қазіргі кездегі Қазақстан Республикасының Қорғаныс Министрі кім? (Даниал Ахметов)

10 билет.

1. Үш қадірсізді атаңыз. (Жастық шақ, денсаулық, жақсы жардың қадірін білмеу,)

2. Ұлы Отан соғысы жылдарында қанша қазақ Кеңес Одағы Батыры атағын алды? (97)

11 билет.

1. Үш қасиетті атаңыз. (өліде - аруақ, малда - кие, аста - кепеет.)

2. Дивизия құрамына кіретін әскери бөлімдер мен бөлімшелер.

(3 полк және қосымша батальон мен бөлімшелер.)

1. жұргізуші: «Білекті бірді жығар, білімді мыңды жығар » демекші, біліммен мыңды жыққан сайыскерлерімізді енді «Ер кезегі үшке дейін » деп аталатын спорттық іс-шараға шақырамыз.

1. Қол күресу (женген бала 5 ұпайды қоржынға салады.)

2. Гір тасын көтеру. (қанша көтерсе сонша ұпай жинайды.)

1. жүргізуші: Енді «сегіз қырлы, бір сырлы» сайыскерлеріміздің дайындап келегн «Нағыз - азамат» жобасын тыңдайық. Жобаны қорғау 5 баллдық жүйемен бағаланады.

1. жүргізуші: Сайыскерлерімізге алдын ала үй тапсырмасы берілген болатын. Қазақ халқымыз «Жеті атасын білген Ер, Жеті жұрттың қамын жер» деп бекерге айтпаған. Олай болса, Сайысқырандарымыздың жеті аталарын аты - жөнін қалай білетіндеріне көз салайық. Сайыс 3 ұпаймен бағаланады.

2. Жүргізуші: Халқымыздың ертеден келе жатқан тамаша дәстүрі - бата. «Батамен ер көгерер, Жаңбырмен жер көгерер.» дегендей, бұл сайыста әр сайыскер берілген бата түрін түсіндіріп, бата беруі керек. Сайыс 5 баллдық жүйемен бағаланады.

1. жүргізуші: Құрметті көрермен қауым ! Бүгінгі сайысымыз да өз мәресіне жетіа қалды. Енді сайыскерлеріміздің әділ бағасы шыққанша . ән шашуды қабыл алыңыздар.

2. жүргізуші: Ал, құрметті қауым! Алдарыңызда үш «Жігіт сұлтаны» тұр. Енді Сіздер қорапқа «Нағыз азаматқа» лайық деп ойлайтын сұлтанды дауыс беру арқылы таңдап аласыздар. Барлығы Сіздердің қолдарыңызда. Сондықтан әділ сайлаулырыңызды сұраймыз.

1. жүргізуші: Осымен «Нағыз - азамат» атты сайысқырандар сайысы аяқталды. Көріп тамашалағандарыңыз үшін көп-көп рахмет. Кездескенше күн жақсы болсын!

(«Ңағыз азамат» номинациясын жеңіп алған оқушыға лента тағылады.)

№ 37 жалпы орта білім беретін мектеп- гимназия

Әскери - патриоттық сайыс.

Тақырыбы:

«Нағыз - азамат.»

Өткізгендер:

Тұңғаттегі Ж.Қ.

Бужеева О.С.

Ашубаева Ж.Т.

Семей 2009 жыл

Бағалау парағы

Рет саны

Оқушышының аты-жөні

Мен қазақтың ұлымын (5 ұпай)

Өнерім - өмірім

(5 ұпай)

Білімдіден шыққан сөз

(әрбірдұрыс жауап1балл)

Ер кезегі үшке дейін

Жобаны қорғау

(5 балл)

Жеті атаны атау

(3 балл)

Бата

Айту

(5 балл)

Көремендердің қатысуы

Қорытынды

Қол күрестіру

(5 балл)

Гір тасын көтеру

1

2

3

4

5

6

7

8

9

10

11

12