Эстафеталық жарыс Шынықсаң шымыр боласың дене шынықтыру сабағы

«Шынықсаң -шымыр боларсың»

Мақсаты: Балалардың денсаулығын нығайтып,ептлікке,жылдамдыққа тәрбиелеу, дене шынықтыруға деген шынықтыруға деген қызығушылығын эстафеталық ойындар арқылы дамыту.

Көрнекі құралдары: Доп,кегли,құрсаулар,шар,құм салынған қапшық,себет көрнекілікке алынады.

Сазды әуенмен балалар залға кіріп шеңбер жасап тұрады.

(Ән ұран орындалады)

Тәрбиеші: Еріншектен салақтық

Салақтықтан надандық,

Бірінен -бірі туады

Жоғалар сүйтіп адамдық

Еріншек таза жүре алмас,

Кір қолында жуа алмас.

Қарекет жоқ, ғалым жоқ

Өз бойынан ұялмас- деп

Шәкәрім атамыз айтқандай бүгінгі «Шынықсаң -шымыр боларсың» -деп аталатын эстафеталық жарысымызды бастаймыз.

Әділқазылар алқасын сайлау

Балабақша әдіскері

Балабақша дәрігері

«Балдәурен» тобының тәрбиешісі

1. Жан-жақты дамыту жаттығулар

Бір қатармен жүру,жүгіру,екі қолды белге қойып, аяқтың ұшымен жүру,

Мұнан соң балалар шеңбер жасап тұрып негізгі жаттығуларды жасайды.

Негізгі жаттығулар

1.Басқа,иыққа,қолға,белге,тізеге,аяқтың басына.

2.Доппен жаттығу.

3.Секіру

4.Шеңбер жасап жай жүру

5.Екі қатарға бөліну

Тәрбиеші: Келіңіздер,келіңіздер

Бұл жарысты көріңіздер

Бізде бәрі жүйріктер,

Күш сынасар алыптар-дей отырып эстафеталық жарысымыздың шарттарымен таныс болыңыздар.

1.Жалау алып жүгіру

2.Құм салынған қапшықты себетке лақтыру

3.Кім жылдам

4.Шар жару.

5.Қимылды ойын «Тышқан мен мысық»

Тәрбиеші:Топты жарған түлектерміз

Жаралдық ақ тілектен біз.

Сұңқар-қанат,

Тұлпар-тұяқ түлектерміз,-деп «Сұңқар», «Тұлпар» топтарымен таныс болыңыздар.

«Тұлпар» тобы «Сұңқар» тобы

Біз тұлпармыз Біз сұңқармыз

Желменен жарысқан Көкте самғаймыз

Төрт тұяғын тең басқан Қанатымыз талмай

Ақжүніс Рамазан

Айбек Құттыбай

Ерғұлан Нұрасыл

Нәдір Әсем

Темірлан Даниял

Дамира Алишер

Айнара Нұрболат

Ернар Әсемай

Елдар Нұрәлі

Назерке Қырымбек

Ақнұр Ілияс

Ақбота Нұрбақыт

Жарыс соңында тыныс алу жаттығулары орындалады.

III.Тыныс алу жаттығуы.

Жүгірдің де қарғыдың,

Жарадыңдар барлығың.

Шаршамаңдар дегенмен

Тыныстаңдар тереңнен

Қане, «Ү-п!» -деп айтайық

Демді ішке тартайық.

Енді «Ү-һ..» деп айтайық

Демді шығар қайтарып

Босаңсытып денеңді,

Бей жай күйге ен енді

Басты көтер тік ұста

Емін еркін тыныста.

Бәрекелді балалар

Бәрекелді алтындар.

Әділқазылар алқасы жарыс соңында «Тұлпар», «Сұңқар» тобының жинаған ұпай сандарын айтып марапаттайды.

«Жазира»балабақшасы

«Шынықсаң-шымыр боларсың»

(эстафеталық жарыс)

«Өркен» ересек тобы

Тәрбиеші: Лекерова Гүлжан