Т-3

Ж…яу, ж…й, ш…й, д…птер, …демі, с…біз, с…н, т…р, т…н, с…л.

Тапсырмасы:

1. Көп нүктенің орнына а немесе ә әрпін қойып, көшіріп жазыңдар.

2. Сөздерді аударыңдар.

3. Бұл сөздерді қатыстырып, сөйлем құрыңдар.

Т-4

Ақын, қазақ, ғалым, қала, оқушы, мұғалім, бөлме, ұшқыш, мектеп, сөздік.

Тапсырмасы:

1. Берілген сөздерге көптік жалғауын жалғаңдар.

2. Сөздердің тасымалдану жолдарын көрсетіндер.

3. Сөздерден сөйлем құрыңдар.

Т-5

Ж…мыс, к…н, қ…с, т…н, т…р, б…гін, с…т, д…кен, б…л, …шқыш, м…ғалым.

Тапсырмасы:

1. Көп нүктенің орнына ұ немесе ү әріптерін қойып, көшіріп жазыңдар.

2. Сөздерді аударыңдар.

3. Берілген сөздерден сөйлем құрып жазыңдар.

Т-6

Інімнің аты-Әнуар. Ол-оқушы. Інім бірінші сыныпта оқиды. Бір күні інім ауырды. Әкем інімді дәрігерге апарды. Әсем-емханада дәрігер. Ол Әнуарды қарады, дәрі жазып берді. Дәрілерді әкем дәріханадан сатып әкелді.

Тапсырмасы:

1. Қазақ тілінің ерекше дыбыстарына сипаттама беріңдер.

2. Мәтіннен түбірлес сөздерді теріп жазыңдар.

3. Сөйлемдерге сұрақтар қойыңдар.

Т-7

Еңбек, арыстан, болашақ, уақыт, той, бұрын, қиын, ауыл, сантиметр, сынып, елу, ірі, ұшақ, әйгілі.

Тапсырмалар:

1. Берілген сөздерді тасымалдаңдар.

2. Тасымалдауға болмайтын сөздерді бір бөлек жазыңдар.

3. Еңбек, уақыт, болашақ, әйгілі, ірі сөздерін пайдаланып, сөйлем құраңдар.

Т-8

Көк-көгі, көп-көбі, мектеп-мектебі, жүрек-жүрегі, терек-терегі, сабақ-сабағы, қонақ-қонағы, доп-добы, тарақ-тарағы, топ-тобы.

Тапсырмалар:

1. Сөз түбіндегі қатаң дыбыстың өзгеру заңдылығын түсіндіріңдер.

2. Берілген сөздерден сөйлем құрыңдар.

Т-9

Мой отец-учитель. Он учит детей. Мать-врач. Она работает в поликлинике. Бабушка и дедушка не работают. Они -пенсионеры. Я и моя старшая сестра учимся в школе. Меня зовут Сарсен. Я учусь в шестом классе. Сестра Карлыгаш учится в 8 классе. Мы учимся хорошо.

Тапсырмалар:

1. Сөйлемдерді қазақшаға аударыңдар.

2. Тәуелдік жалғаулы сөздердің астын сызыңдар.

3. Мұғалім сөзін тәуелде.

Т-10

Біз ауылда тұрамыз. Ауыл жанында тоғай бар. Тоғайда түрлі ағаш, гүл, жидек өседі. Жазда тоғайға жиі барамыз. Біз жидек, гүл тереміз. Мен әжеме , анама гүл сыйладым. Қарындасыма жидек жинап әкелдім. Олар маған алғыс айтты.

Тапсырмалар:

1. Мәтіндегі ағаш, гүл , жидек, тоғай сөздеріне көптік жалғауын жалғаңдар.

2. Мәтінді оқып, мазмұнын әңгімелеңдер.

3. Төмендегі сұрақтарға жауап жазыңдар.

А/ Сен қайда тұрасың?

Ә/ Сен тұратын жерде орман / тоғай, өзен, көл, тау, теңіз / бар ма?

Б/ Сен жазда қалай демаласың?

В/ Демалыста не істедің?

Г/ Сен қалай демалдың?

Т-11

Бүгін , таңертең, оқыды, келді, қазақ тілі, сөйлем, қызық, үйрену, сөйлесу.

Тапсырмалар:

1. Берілген сөздерді орысшаға аударыңдар.

2. Сөздерді қатыстырып, сөйлем құраңдар.

3. Сөйлемдерге сұрақтар қойып, бір-біріңмен сөйлесіңдер.

Үлгі: Оқушылар мектепке келді. Оқушылар қайда келді?

Т-13

1/ Андрей, здравствуй!

2/ Как дела?

3/ Что нового в школе?

4/ Где твой друг Жомарт?

5/ Передай ему привет.

6/ До свидания!

Тасырмалар:

1. Сөйлемдерді қазақшаға аударып, дәптерге жауабымен жазыңдар.

2. Бір-біріңмен «Сыныпта» тақырыбы бойынша әңгімелесіңдер.

Т-14

Ән, сурет, ұшақ, өнерпаз, әнші, суретші, әншілік, өнер, ұшқыш, өнерлі, ұшты, суреткер.

Тапсырмалар:

1. Түбірлес сөздерді бөліп жазып, орысшаға аударыңдар.

2. Сөздерден сөйлем құрап жазыңдар.

3. Өздерің білетін Қазақстанға белгілі әнші, суретші, ұшқыш, өнер адамдарын атаңдар, аты-жөнін жазыңдар.

Т-15

Күз, оқу, сабақ, ертең, жиналды, барды, басталды, жақсы, мұғалім, оқушы, мектеп, жылы.

Тапсырмалар:

1. Берілген сөздерді оқып, дәптерге сөз тіркестерін құрастырып жазыңдар.

2. Сөз тіркестерін қатыстырып, сөйлем құрыңдар.

3. Сөйлемдерге сұрақтар қойыңдар.

Үлгі: Сабақ басталды. Мектепте сабақ басталды.

С-17

Ғалым, ғылым, аға, Ғабит, ғарыш, ғарышкер, Талғат, тоғай, ағаш, торғай, қарға, қарағай.

Тапсырмалар:

1. Сөздерді буынға бөліп жазыңдар, ғ дыбысына сипаттама беріңдер.

2. Сөздерді орысшаға аударыңдар.

3. Берілген сөздерді қатыстырып, сөйлемдер құрыңдар немесе « Тоғайда » ,

« Ғарышкер аға » тақырыптарының біріне шағын әңгіме жазыңдар.

Т-18

-Сен мектепке қашан барасың?

-Мектепте қанша боласың?

-Мектептен үйге қашан келесің?

-Сабағыңа қашан дайындаласың?

-Бүгін театрға барасың ба?

Тапсырмалар:

1. Сұрақтарға жауап жазыңдар.

2. Өзара сөйлесуге дайындалыңдар.

3. Мектептен, үйге, театрға сөздеріндегі септік жалғауларына сұрақ қойыңдар.

Т-19

-Қазір жылдың қай мезгілі?

-Қазір қай ай?

-Бүгін айдың нешесі?

-Бүгін аптаның нешінші күні?

-Бүгін аптаның қай күні?

-Кеше қай күн болды?

-Ертең қай күн болады?

-Қазір нешінші сабақ?

-Қазір қай сабақ?

-Сыныпта кім кезекші?

Тапсырмалар:

1. Ай, күн атауларын естеріңе түсіріңдер.

2. Сұрақтарға жауап жазыңдар.

3. Бүгінгі ауа райы туралы әңгіме құрастырыңдар.

Т-20

-Бүгін қай күн?

-Бүгін ауа-райы қандай / жақсы, нашар /?

-Бүгін күн қандай / жылы, суық, ыстық, тұман / ?

-Бүгін ауаның температурасы қандай / граду суық, градус жылы /?

-Осы аптада /өткен аптада / ауа райы қандай болды?

-Келесі аптада ауа райы қандай болмақ?

Тапсырмалар:

1. Сұрақтарға жауап жазыңдар.

2. Өзара әңгімелесіңдер.

Т-21

Жадыра -оқушы. Ол жақсы оқиды. Жадыра оқулықтарын таза ұстайды. Оны мұғалімдері мақтайды. Жадыра - мектептегі үлгілі оқушы.

Тапсырмалар:

1. Мәтіннен түбірлес сөздерді тауып жазыңдар, сөз құрамына қарай талдаңдар.

2. Сөйлемдерді бірнеше рет оқып, жатқа жазыңдар.

3. Өз достарың туралы әңгімелеңдер.

Т-22

Біз Қазақстан Республикасында тұрамыз. Ол-үлкен мемлекет. Республикасының бас қаласы-Астана. Ол- әдемі қала. Қаланың ортасымен Есіл өзені ағады. Астанада қазақтың әйгілі үш биі- Төле би, Қазыбек би, Әйтеке биге ескерткіш орнатылды.

Тапсырмалар:

1. Сөйлемдегі жалқы есімдерді тауып, сұрақ қойыңдар.

2. Әңгімелесу үшін сұрақтар дайындаңдар.

3. Өздерің білетін Қазақстан қалаларының аттарын жазыңдар.

Т-26

Өшіргіш, кітап, қағаз, сөре, оқулық, дәптер, қалам, қарындаш, сөмке, сурет дәптер.

Тапсырмалар:

1. Берілген сөздерге көптік жалғауын жалғаңдар.

2.« Менің оқу құралдарым » деген тақырыпта шағын әңгіме жазыңдар.

Т-27

Қазақ халқының ұлы ақыны Абайдың 150 жылдық мерейтойын …

/ праздновали /.

Бұл мерейтойға арналған мерекелік шаралар … . Мерейтойда Абайдың ұрпақтары … . Ұлы жазушы Мұхтар Әуезов 100 жасқа … . Бүкіл әлем бұл мерейтойды … . Ақтау қаласындағы №20 мектепке М.Әуезов есімі … .

Керекті сөздер: толды, тойлады, берілді, тойланды, өтті, болды.

Тапсырмалар:

1. Көп нүктенің орнына керекті сөздерді қойып, берілген сөйлемді аяқтаңдар.

2. Жалқы есімдердің астын сызыңдар.

3. Қала, той сөздерін септеңдер.

Т-28

Әділ адам, әдепті қыз, ақылды әже, іскер әкім, әсем ән.

Тапсырмалар:

1. Сөз тіркестерін орысшаға аударыңдар.

2. Сөз тіркестерінен сөйлем құрыңдар.

3. Зат есімдерге сұрақ қойыңдар.

Т-29

Жауын, жалқау, еріншек, жаңбыр, тосу, арман, күту, қиял.

Тапсырмалар:

1. Сөздерді орысшаға аударыңдар.

2. Синоним сөздерді топтастырып жазыңдар.

3. Синонимдерден сөйлем құрыңдар.

Үлгі: Менің арманым-ұшқыш болу. Мен көп қиялдаймын. Биыл жауын көп болды. Далада жаңбыр жауып тұр.

Т-30

Мұғалім

Нұр шуағын түсірген,

Бала жанын түсінген.

Мектепте де , сыртта да,

Үлгі болған ісімен.

Білім нәрін сыйлаған,

Көпке әр кез сыйлы адам.

Оң жол тілеп шәкіртке,

Жамандыққа қимаған

Ол кім? Мұғалім.

Тапсырмалар:

1. Өленді мәнерлеп оқып, жаттап алыңдар.

2. Шуақ, нәр, жан сөздерін сөздіктен қарап, мағынасын түсіндіріңдер.

3. Шәкірт сөзін септеңдер.

Т-31

Алыс, жаман, тар, жақын, үлкен, кең, суық, кіші, жылы, қысқа, ілгері, ұзын, лас, кейін, таза, жақсы.

Тапсырмалар:

1. Сөздерді орысшаға аударыңдар.

2. Антоним сөздерді сәйкестендіріп жазыңдар.

3. Үлкен, таза, жылы сөздерінен сөйлем құрып жазыңдар.

Т-32

Жедім жаңа нан,

Бұл сөзіме нан.