Тақырыбы: «Күз ханшайымы» сайысы. Мақсаты: Әр баланың басындағы өнерін көрермендерге паш ету, қазақ халкының салт дәстүрін, әдет-ғұрпын сақтауға үйрету. Міндеттері: 1. Қазақ халқының ұлттық өнерін, салт-дәстүрін дәріптеуге үйрету. 2. Оқушылардың танымдық жән

Күз ханшайымы

Тақырыбы: «Күз ханшайымы» сайысы.

Мақсаты: Әр баланың басындағы өнерін көрермендерге паш ету,қазақ халкының салт дәстүрін,әдет-ғұрпын сақтауға үйрету.

Міндеттері:

1. Қазақ халқының ұлттық өнерін,салт-дәстүрін дәріптеуге үйрету.

2. Оқушылардың танымдық және шығармашылық қабілетін,эстетикалық талғамын,шеберлігін дамыту.

3. Көпшілік алдында өзін өзі ұстай білуге,әдептілікке,мейірімділікке,сұлулыққа,инабаттылыққа,кішіпейілділікке тәрбиелеу. Көрнекіліктер: гүл,шар,сайыстың шарттары жазылған плакаттар, «Күнсіз гүл өспес,күтусіз қыз өспес», «Өнерлінің он саусағы тең,өнерсіздің бір саусағы кем» деген сөздер жазылған плакаттар.

Тәрбиеші:

Ата - ананың аялы алақанындағы балалық шақ, мектептегі бал дәурен баланың ең бір бақытты, алаңсыз кезі. Біз тобымыздағы тәрбиеленуші ұлдармен бірге қыздарымыздың да ақылды да парасатты, тәрбиелі де инабатты ару қыз болып өскенін қалаймыз. Сондықтан, бүгін балауса қыздарымыздың топта қандай тәрбие алып жүргенін көріп, бәріміз куә болайық.

Тәрбиеші:

Әділдікпен баға берер аруға, Әділдікпен қара қылды жаруға. Әділ қазы алқаларын сайлайық, Кішкентай аруды таңдап бүгін алуға.- деп бүгінгі байқауымыздың бағасын беретін қазылар алқасымен таныс болыңыздар.

1.Директордың тәрбие ісі-жөніндегі меңгерушісі -Алибекова Сауле Айдынқызы

2. Түсіпова Р.А.

3. Бастауыш сыныптарының бірлестік жетекшісі: Иманакишева Н.Ж.

4. Ата-ана Садвакасова М.Ж

Тәрбиеші:

Мың бүралған арулар аңдап басып, Келеді міне ортаға толқып тасып. Аруларың сыйлаған,халқым менің, Көңілді қошеметпен қарсы алайық!-деп аруларымызды реттік нөмерлері бойынша ортаға шақырамыз.

Сайысқа қатысушы аруларды реттік белгілері бойынша таныстыру, орындарына отырғызу.

1 ару: Бет пішіні, дене мусіні келіскен, сөзі сыпайы, өзі әдепті: Қабылбек Әмина Мақсатқызы

2ару: Көз жанары өткір, бет әлпеті бал - бұл жанған, тәні шымыр қыз Дәкен Шырайлы

3 ару: Тақпақ айтып тақылдайды, топтың сабырлы да ұяны - Жукенбекова Талшын Біржанқызы

4 ару: Сөзі өткір, өзі пысық, келбетті, өрескелдікті сүймейтін қыз Жөкенбекова Даяна Нұржанқызы

5 ару: Сөзі салмақты, ісі тиянақты, дене бітімі жинақы қыз Серикханова Аймара Қанатқызы
Тәрбиеші:

Жас күніңде жалындау бар, жану бар, Үлкендерден үлгі өнеге алыңдар Көрерменге өнерін паш ететін, Қош келдіңдер кіп-кішаентай арулар!

Сайысты бастамас бұрын, сайыстың шарттарымен таныстырып өтейін: Сайысымыз 6 бөлімнен тұрады
Сайыс бөлімдері:
1. Менің ата - тегім. (Өзін - өзі таныстыру.)
2. Кім ойға жүйрік (Жұмбақ шешу)
3. Үй тапсырмасы «Дәрумендер денсаулық сақтаушысы».(Үй тапсырмасы «Күзгі байлықтардан салат әзірлеу»)
4 « Шебер қолдар» Кім жылдам? (Аруларымыздың жасаған қол өнер жұмыстары)
5. «Өнерлі өрге жүзер» (Өз өнерлерін көрсету)
6. «Әсем біздің арулар» (Сән үлгісін көрсету)
Тәрбиеші::

Гүл көңілің қуаныштан өрілді, Жанарыңнан жалын нұры төгілді. Жыр ұшқындап тұр ғой әне үніңнен, Көпшілікке таныстыршы өзіңді- «Өзін-өзі таныстыру» кезеңі аруларымыз реттік нөмерлері бойынша өздерін таныстырып шығады.

1.Өзін-өзі таныстыру:«Менің ата - тегім»

1.Қабылбек Әмина
Руым Жалықпас, мен қазақ,
Қабылбектің немересі.
Тақпақ - өлең айтамын
Апайлардың берген өнегесі.
Алғаш аштым даярлықтың есігін,
Әмина Мақсатқызы менің есімім,
Туып өстім Ақбұлақ ауылында,
Алтын ұя - бесігім.
Күлзия маған нағашы,
Қызыл тонның жағасы.
Мен үшін өте қымбат қой,
Нағашының бағасы.

2.Дәкен Шырайлы:
Бүр жарған бүршігіндей лала гүлдің,
Жастайымнан жалындап жана білдім.
Өнерменен білімге жаны құштар,
Дәкен Шырайлы қызыңыз мен боламын.
Құрбыммен бұл сайыста тең боламын,
Қызымын өсіп - өнген кең даланың.
Бүгінгі ханшайымдар сайысында,
Деп ойлаймын жеңімпаз мен боламын.
3.Талшын Біржанқызы

Әке - шешем мақтаған,
Талшын Біржанқызы мен болам.
Осы күнге сақтаған,
Тақпағым бар жаттаған.
Сайыс десе жайнаймын,
Намысымды қайраймын.
Тоты құстай құлпырып,
Сандуғаштай сайраймын.

4.Даяна Нұржанқызы

Армысың әже, ана, бауырларым,
Өнер сүйер үлкен - кіші қауымдарым.
Көктемде қырда өскен қызыл гүлмін,
Қол соғып, құшақ жайып қабылдандар,
Нұржанқызы қызы Даяна мен боламын.

Келдім мен міне бүгін сың алуға,
Сыңалып үлкендерден үлгі алуға.
Саламын бар өнерді осы ортаға,
Береді әділ қазы әділ баға.
5. Аймара Қанатқызы

Армысыздар, өнердің алтын кені,

Амандасу ежелден салтым еді.

Міне тағы сол салтты жалғастырсақ,

Амансыз ба, аяулы халқым менің!

Атым - Аймара болады сұрасаңыз,

Кенжебай екен екен кешегі бір атамыз.

Әкем атым Қанат асқар тауым,

Пана болып біздерге жүз жасаңыз!

Көп айтып өз жайымды не қылайын,

Өнеріммен одан да таң қылайын!

Кішіге үлгі, үлкенге өнеге боп,

Сахнаның төрінде сән құрайын

Сайыстың «Өзін-өзі таныстыру» бөлімі бойынша әділ-қазылардың берген бағаларын көтерулерін сұраймын.

Сайысымыздың 2-ші кезеңі:

2. «Кім ойға жүйрік»(жұмбақ шешу)
Ортаға реттік белгімен аруларды шақырып, ұнатқан жеміс - жидектерін алғызып сондағы жұмбақтарды шешкізу.
1. Жұдырықтай қызыл шар
Тілді үйірген шырын бал (Алма)
2. Түрі шар сияқты,
Түсі қан сияқты,
Дәмі бал сияқты. Ол не? (Шие)
3. Аласы бар, қарасы бар, ағы бар,
Пышақ тисе қып - қызыл болып жарылар (Қарбыз)
4. Жер астына түседі,
Сап - сарғыш боп піседі ( Сәбіз)

5.Атырапты бояды.
Бояп - бояп барлығын
Сап - сары ғып қояды. (Күз)
6.Жерге қазық қақтым,
Басына айдар тақтым. (Сәбіз)

7.Сусыз піскен ас көрдім,
Домаланған бас көрдім. (Қауын)
8.Аспай піскен,
Қайнамай түскен./Жеміс/.
9.Әрі қызыл, әрі тәтті,
Татқан жанды таңырқатты./Алма/
10.Аласа ғана бойы бар,
Қабат - қабат тоны бар./Қырыққабат/

Сайысымыздың 2-ші кезеңі бойынша аруларымыздың алған бағаларын сұраймын
3. Сайысымыздың 3-ші кезеңі Үй тапсырмасы «Дәрумендер денсаулық сақтаушысы»
(Аруларымыз тақпақтарымен таныстырып, аналарымен бірлесіп дайындаған салат түрлерін әділ - қазыларға ұсынады)

1. Әмина(Алма)
Нарттай қызыл алмам бар,
Мәз болады алғандар.
Жазда әдемі киінем,
Тілді балдай үйірем
2. Шырайлы:(Шие)

Тіл үйірген шырыным,
Жемістердің бірімін.
Мен маржандай шиемін,
Ұнатамын күн нұрын.

3. Талшын:(Қарақат)

Қалсам егер тығылып,

Қалың шөптің астында.

Таба алар деп кім біліп,

4. Даяна: (Сәбіз)
Өсіретін бойыңды,
Дамытатын ойыңды.
Қоянға да азықпын,
Мен жазықсыз сәбізбін

5. Аймара (Алма)

Бақ ішінде алма,алмалар,

Бар жемістен бағалы.

Көрген адам таңданар,

Көздің жауын алады.

Сайысымыздың «Үй тапсырмасы» бойынша әділ-қазылардан берген бағаларын көтерулерін сұраймын.

Сайысымыздың 4-ші кезеңі: Шебер қолдар. Аруларымыз ою-өрнектермен жұмыс жасайды.

Қыздарымыз жұмыстарын аяқтағанша балаларымыздың күз туралы тақпақтарын тыңдайық.

1.Мәди:

2.Темірлан:

3.Азамат:

4.Шехризат:

5.Ералы:

Аруларымыздың «Шебер қолдар» бөлімі бойынша алған бағаларын көтерулеріңізді сұраймын

Тәрбиеші:

Ал келіңдер, келіңдер,
Бір-біріңе еріңдер
Өнерлеріңді тексеріп,
Бәйгеге қатысып көріңдер.
Мың бұралып билеген,
Аруды кім сүймеген.
Күміс көмей аруларға,
Кімдер басын имеген.
- дей келе сайысымыздың 5-ші кезеңі «Өнерлі өрге жүзер» аруларымыз өз өнерін көрсетеді

1. Әминаның орындауында «Қошақаным»әнін тамашалаңыздар

2. Шырайлының орындауында «Чебурашка» әні

3. Талшынның орындауында «Ертегілер» әнін қабыл алыңыздар

4. Даянаның орындауында «Ақ мамам» әнін тамашалаңыздар

5. Аймараның «Үнді» биін қабыл алыңыздар

Әдәл қазылардан қыздарымыздың көрсеткен өнерлерінің бағасын сұраймын

Тәрбиеші:

Ал ,халайық ықыласпен демейік,
Арулардың сән үлгісін көрейік.
Сыры менен сымбатына қарап біз,
Әділдікпен бағаларын берейік.
- деп ендігі кезекте аруларымыздың сән үлгісін тамашалайық.
(Күй әуенімен, қыздар бір-бірден шығып көйлектерін көрсетеді)

«Сән үлгісі» аруларымыз дайындап келген киім үлгілерін көрермендерге көрсетеді.

Әділ қазы алқаларынан сән үлгісіне бағаларын беруін сұраймын

Тәрбиеші:

Білім, ғылым, өнерге,
Қанат қағар кездерің.
Еліміздің ертеңі,
Үміт етер өздерің.
- дей отырып, бүгінгі «Күз ханшайымы» сайысын аяқтаймыз.

Әділ - қазылар қорытынды шығарғанға дейін Бакытбекова Сабинаға ән кезегін беремін.
Ән: «Ақ мамам»
Тәрбиеші:

Жеңістер мен жеңілістен тұратын,
Өмір - күрес , жеткізе ме мұратын?
Жеңбедім, жеңілдім деп ренжімеген,
Қатысу да бір жеңіс, жан болсаң сен ұғатын
Енді ортаға әділқазылар алқасын шақырайық, әділ-қазылар жалпы ұпай саны дайын болса, сөз кезегі сіздерде.
(жеңімпаздар марапатталады, сыйлықтары ұсынылады)

Аруларымызды ортаға қол соғып қошеметтеп шақырамыз.

1. Бас жүлдеге иегер қыз: «Күз ару».
2. «Көрермендер көзайымы».
3. «Өнерлі қыз».
4. «Көрікті қыз».
5. «Бұлбұл дауысты қыз».
Сөз кезегі мектеп басшыларына беріледі.

«Ақбұлақ жалпы орта білім беретін мектебі» КММ

.