Ашық сабақ Қысқы кеш

. Күні: 26.12.14

Сабақ: әдебиеттік оқу 3-класс.

Тақырыбы: «Қысқы кеш» А.С. Пушкин.

«Қысқы кеш» М. Иманжанов

Мақсаты: Білімділік: Оқушылардың оқу техникасы ( дауыстап, іштей түсініп,

дұрыс, шапшаң және мәнерлеп оқу) жетілдіре түсу\

Дамытушылық: Түсінгенін байланыстырып дұрыс баяндай білуге , ой

қорыта білуге төселдіру.Тәрбиелік: Табиғат көрінісін бақылай отырып, эстетикалық танымын, әдемілікке деген құштарлығын ояту.

Сабақтың әдісі: Сұрақ - жауап, СТО стратегиялары, талдау,

Салыстыру, жинақтау, дәлелдеу.

Көрнекілігі: Оқулық, суреттер, үнтаспа, сөзтізбек, компьютер.

Сабақтың барысы:

.1. Ұйымдастыру.

Дайынсың ба сабаққа? Қарап алшы жан-жаққа

Бәрі бар ма орнында? Қалам, дәптер, кітап та.

2. Үй тапсырмасы.

Үй тапсырмасын әңгімелейміз. ( Оқушылар жауабы: Әр оқушы жоспар бойынша шіл құсы туралы қысқы ормандағы қар туралы, қар астындағы ұялар туралы жүйелеп айтып шығады)

Нақтылау, қорыту сұрақтары.

1. Әңгімелеп отырған кім? (аңшы)

2. Аңшы деген кім? (аңдар, құс аулайтын адам)

3. Бұл қай кезде болған? (қыс мезгілінде)

Балалар, осы мәтін соңында күрделі түсінік берілген еді, кеше жазып алғанбыз, еске түсірейік.

• Құр , шіл сияқты құстар тығылып , қорғаласа кешікпей -ақ боран болады.

3 . Жаңа сабақ.

Олай болса осы боран туралы, боранның ерекшелігі туралы орыстың ұлы ақыны Александр Сергеевич Пушкин «Қысқы кеш»атты өлеңін жазыпты. (А.С. Пушкин портретін көрсету)Сол кісінің аудармасын оқып танысамыз. Күннің жадын, тақырыпты дәптерге жазып алайық. Өлеңді мұқият тыңдап отырыңдар.

Александр Сергеевич Пушкин 1799 жылы 6 мамырда Москвада туып, 1837 жылы 10 ақпанда Петербургте қайтыс болды. Александр Сергеевич Пушкин - орыс халқының ұлы ақыны, жаңа орыс әдебиетінің негізін салушы. Кедейленген дворян семьясында туған. Ардақтылар балаларына арналған оқу орны - Лицейде оқып тәрбие алды. Бұл уақыт 1811-1817 жылдар аралығында өтті. Пушкин өлеңді 13-14 жасынан жаза бастады. Пушкин өз заманының озық ой-пікірлерін жастайынан бойына сіңіріп өсті. Ақынның ой-сезімінің қалыптасуына күшті әсер еткен зор тарихи оқиға 1812 жылғы Отан соғысы мен 1825 жылғы декабристердің патша өкіметіне қарсы көтеріліс болды. «Чаадаевқа» (1818), «Деревня» (1819) тағы басқа азаттықты аңсайтын өлеңдер жазғаны үшін 1820 жылы бірнеше жылға жер аударылды. 1823 жылы «Евгений Онегин» дастанын жазуға кіріседі. 1826 жылы Пушкин айдаудан Москваға оралды. Бірақ ол азаттықты, революциялық идеяларды уағыздаудан ешбір таймайды. Пушкин творчествосы осы кезеңнен (1825-1826) бастап мейлінше өрістеп дамыды. Өлең-жыр, поэмаларымен қатар аса күрделі туындылары - «Борис Годунов» атты тарихи драма (1825), «Дубровский» (1832-1833), «Капитан қызы» (1833-1835) повестерін жазды.

Балалар, осы шығармада бірнеше түсінуге қиын сөздер бар екен, соларға тоқталайық. ( тақтадағы сөздер)

• сабан- кепкен шөп

• лашық - кішкене аласа үйшік

• кешеу - кеш қалған

• сыңсуымен- жылаған дыбыс шығару

Сөздерге талдау жасау.

4.Оқулықпен жұмыс.

- балалар, енді өздерің оқып, өлеңде боранды неге теңеп тұрғанын тауып көріңдер. ( Бір шумақтан әр балаға оқыту)

/ Тақтаға боран сөзі ілінеді/

Өлеңде тағы нелер жөнінде айтылған ?

• Тозған үйдің төбесі

• Лашық

• Ұршық иірген кемпір\\

• 5.Сергіту сәті.- Қане, боранның дыбысын салып көрейікші? / гуілдеген, ұлыған, ысқырған, жылаған бала дыбыстары/ О, керемет, керемет Бейне аппақ көбелек Ақша қар жай көлбеңдеп

• Қонып жатыр жерге кеп.

• Енді осы боранның мінезін , ашуын Мұқан Иманжанов деген жазушы ағамыз мәтін түрінде жазыпты ( суреті көрсетіледі) Зейін қоя тыңдап , салыстырып, теңеу сөздерді дәптерлерімізге жазып отырамыз.

/ үнтаспа тыңдалады/

• Дәптерлеріңнен жазғандарыңды оқи қояйық.

Жыландай сумаңдап - жыланның қимылы

«Сөзбен сурет саламыз» - мәтіннен тауып оқу.

/үйлер, электр шамы, қақпалар , терезеден адамдар көрінеді , іс тігіп отыр , темір соғып , машина жүргізді , қағаз жазды , электр станциясы , диірмен /

Сұрақтармен нақтылау жұмысы:

• Қай шығарма бұрынырақ жазылған?

• Қандай көңіл күймен жазылған?

Балалар, манадан бері сабағымызға қатысып отырған бейнелеу пәнінің мұғалімі Күнзира апайымыз сендермен бірге жұмыс жасап отырған сияқты. Сіздерге айтары бар екен .

/ бейнелеу пәнінің мұғалімі екі шығарма бойынша салған суреттерін іліп, әңгімелейді/

6.Қорыту , бекіту.

А. С .Пушкин М. Иманжанов.

Өлең қысқы мәтін

Бұрын кеш қазір

Мұңды боран сенімді

Аянышты сергек

Енді балалар, мына компьютерден біз өз ауылымыздың қысқы кешін тамашалай қояйық. (компьютерден бейнетаспа көрсетіледі)

Ауылдағы қысқы кеш

• Ауыл адамдарының кешкі қарбаласы / қардың сықыры естіледі/

-Балалар , мына дыбыс не?

• Қардың сықырлағаны , аязды күн

Олай болса қыстың негізгі белгісі қар бейнесін еңбек сабағында үйренген бүктеу әдісімен қиып көрсете қояйық. Бұл сендерге бүгінгі сабақтан естелік болсын. Қоңырауда терезеге қондырамыз.

7.Бағалау.

Сонымен балалар, жақсы жұмыс жасадыңдар. (Жеке бағалаулар)

8.Үй тапсырмасы.

Екі мәтінді түсініп оқып, мазмұнын әңгімелеу. Осы шығармаларға сүйеніп , қысқы кеш суретін салып келу.

Сабақ аяқталады.

№ 65 жалпы білім беретін орта мектебі

Ашық сабақ

«Қысқы кеш»

А.С.Пушкин

3 «Г» сынып

Орындаған: Нұрбекова.С.К

Қарағанды қаласы